Digital Collections
Celebrating the breadth and depth of Hawaiian knowledge. Amplifying Pacific voices of resiliency and hope. Recording the wisdom of past and present to help shape our future.
Ke Aloha ‘Ōlauniu
Kuhi Suganuma lāua ‘o Lilinoe Sterling
Kauaheahe ke aloha ‘Ōlauniu
Ahe lau makani me ka laua‘e ua noe
Ho‘olaua‘e ‘ia i ka poli o Kaiona
Liko a‘ela i ka malu o ka lani
Uluwehiwehi ka lau o ka laua‘e
He moani ke ‘ala e pā mai nei
Aia i uka i ke onaona
Ho‘ohihi ka mana‘o no nā kau a kau
‘A‘ohe lua e like ai
He lei mae ‘ole i kāhiko ‘ia
Hi‘ikua me ka hali‘a aloha
Ho‘opumehana i ka poli
© Kuhi Suganuma and Lilinoe Sterling, 2005
photo courtesy of: Lilinoe Sterling
Nā haku mele ʻelua, Lilinoe Sterling a me Kuhi Suganuma Southard.
photo credit: Forest & Kim Starr
Uluwehiwehi ka lau o ka lauaʻe / He moani ke ʻala e pā mai nei. The lauaʻe grow in profusion / Their fragrance comes gently to me.