Digital Collections
Celebrating the breadth and depth of Hawaiian knowledge. Amplifying Pacific voices of resiliency and hope. Recording the wisdom of past and present to help shape our future.
Ka Lehelehekii
Kipukaohaao Moanauli
Huai ka manao
Kaino paha a he kane keia
Haihai olelo o ke akamai
Eia ka he iwi-a o ka hoki
Ui okoa a kani Keoe
Kaino hoi a he kane keia
Puipui kupono o ka nui kino
Eia ka he ulei hapa Kepani
Hoao mau i ka hoowali uala
Kaino hoi a he kane no ka‘u
He hoa kui lima o ka pueone
Aue ka lima, ua haha hewa
Hapapa makehewa i ka maka moena
Kaino hoi a he kane keia
Ke koa hookahi e alo i ka ino
Eia ka he puhi pee ko‘ako‘a
Hoopalu ia e ka olino o ka la
Kaino a he kane pili i ka ili
He ili ena i ke ahi o Makana
Eia ka he moa kani o ke ao
Ua po maila, kau wale i ka haka
Kaino me he poi wali kou aloha
He pahee i ka puu ke momoni iho
Eia ka he kalo paa no ia
Ka le‘o maka e maele ai ka waha
Kaino a he kane oo o ka iwi
Akamai i ke kiei kuono
Eia kou, he iwi ha‘i wale
Aia ka i ka mole kamalii
Haina kou inoa e Ka-leo-palau
Pipili mai ke hiu a wela
Haina hou e ka Lehelehekii
Maalili kou aloha i ke Kukalahale
© Kipukaohaao Moanauli 2004
photo credit: The Donkey Sanctuary
I thought this might be a man / Of intelligent conversation / But no, he has the jawbone of an ass / And all he does is boast and bray